AVALIADOR NAIN 3 HO XEFE PROGRAMA ESTUDU ASINA RELATORIU PRELIMINARIU AKREDITASAUN DEPARTAMENTU RI

AVALIADÓR NA’IN 3 HO XEFE PROGRAMA ESTUDU ASINA RELATORIU PRELIMINARIU AKREDITASAUN DEPARTAMENTU RI

Dili-Universidade da Paz (UNPAZ) liuhusi Ajénsia Nasional ba Avalíasaun no Akreditasaun Akadémika, Institutu Públiku (ANAAA, I.P.) hala'o avaliasaun no akreditasaun ba programa estudu Relasaun Internasional durante loron rua, iha Aula Prof. Dr. Lucas da Costa (12/10/24).

Avaliasaun hahu horseik to’o ohin loron no iha loraik ne’e konsege finaliza, enkuantu avaliadór na’in tolu, Prof. Dr. Michael Tomlinson. Mr.Niall Almond. Mr.Jonianto Monteiro. ho xefe programa estudu, Sr. João Francisco Maia, Lic. CSH.,Mds. asina ona relatoriu preliminariu akreditasaun relasaun internasional, ne’ebé akompaña husi estrutura universidade no estrutura fakuldade dosentes nomós ekipa husi ANAAA nian.

Reprezenta panelista avaliadór na’in tolu, Mr.Niall Almond, hateten durante loron rua ami nia observasaun ba iha avalisaun programa estudu relasaun internasional di’ak tebes, tanba UNPAZ halo duni esforsu bo’ot tebes ne’ebé ita halo komparasaun asisment husi 2018 to’o agora ita bele haree husi rekomenasaun ne’ebé uluk panelista sira halo iha 2018 to’o agora iha mudansa barak.

“Husi rezultadui ida ne’e hatudu katak, UNPAZ seriu tebes no kompriende muitubem kona-ba razaun atu halo avaliasaun ida ne’e, tanba aijuda sira atu bele kompriende oinsa bele millora sira-nia sisitema polítika no pratika hanorin no seluk tan ne’ebé la’o kapas tebes”,tenik panelista Almond.

Nia dehan, hanesan avaliador sente kontente tebes tanba haree kuandu instituisaun kompriende katak, asisiment ne’e bele hadia sira-nia servisu kuandu adopta no simu ho laran tomak no simu rekomenasaun, nune’e hatudu sira-nia omilidade no seriedade nomós iha vontade duni hadia sira-nia aan atu bele fornese edukasaun ne’ebé di’ak ba joven sira, posibilidade tinan lima ha’u mai fali, haree iha fali mudansa bo’ot no melloramentu ne’ebé mak di’ak liu tan.

Iha fatin hanesan, Dekanu FCSH, Dr. Fernado Dias Gusmão, A.Md.S.IP.,M.AP. hato’o agradese ba panelista avaliadór no akreditasaun nian ne’ebé hato’o ona rekomendasaun sira, tanba ne’e ami konsidera katak, rekomendasaun sira ne’e positivu tebes no sei aijuda fakuldade liuhusi departamentu, atu bele millora di’ak liu tan prosesu apriendizajem nivel departamentu nian.

“Ami mós iha mehi ne’ebé mak bo’ot, ami hakarak departamentu relasaun internasional ne’e to’o momentu ida bele sai modelu de estudu ba asuntus relasaun internasional iha Timor-Leste, tanba ida ne’e mak ami sei esforsu bei-beik ba futuru millora di’ak liu tan kondisões sira ne’e hotu ba futuru ne’ebé mak di’ak”,dehan Dekanu FCSH.

Entretantu iha avaliasaun no akredutasaun ne’e, partisipa husi Avaliador, Prof. Dr. Michael Tomlinson. Mr.Niall Almond. Mr.Jonianto Monteiro. Ekipa Husi ANAAA, Vise Reitores sira, Dekanu Fakuldade 6, Xefe Departamentu sira, Pro-Reitor, Diretor Unidade sira Dosente, Funsionariu inklui, Estudante ativu sira.