Dili 05 de Dezembro 2020
ATRIBUTU BA JUDISIUM NO GRADUASAUN TO’O ONA IHA UNIVERSIDADE DA PAZ
Dili-Universidade da Paz (UNPAZ), liuhusi administrasaun Logistik ohin simu ona atributu ba Judisiun no Graduasaun ba Lisensiatura (S1) no Post-Graduasaun (S2) nian, iha Kampuz UNPAZ (sabadu 05/12) foin lalais ne’e.
Xhefe Logistik Anastacio Soares dos Santos hateten atributu ne’ebe ohin to’o ona iha Universadade mak atributu ba Judisium, Graduasauan no mos Post-Graduasauan nian ho total 1412 .
“atributu ba Judisium no Graduasaun nian ohin to’o ona iha universadade, atributu hirak ne’ebé kompostu mos atributu ba Post-Graduasauan nian ne’ebé ho nia total hamutuk 1412 kompostu husi Post-Graduasauan nian hamutuk 24. Husi atributu hirak ne'e ohin loron ami sei konta no segunda mak foin distribui ba finalista graduadu sira ba tinan ne'e, inklui Post-Graduasaun sira”, Dehan prezidente Lojistik.
Nia Salienta liután prosessu ba produtu atributu Judisium no Graduasauan nian ne’ebé iha hahu hala’o iha fulan Setembru no fulan Outobru. Maibé tarde tanba ita tuir regras estudu nian kona-ba Situasaun Covid-19 ne’ebé iha, maibé ohin atributu to’o ona iha Universadade, dehan Anastacio.
Serimonia Graduasauan ne’ebé sei realiza iha tinan ne’e, sei hala’o durante loron rua nia laran hahu husi loron 19 no 21 fulan ne’e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
