ASSINA NOTA DE INTENDIMENTU ENTRE (ADRA) TIMOR-LESTE HO UNIVERSIDADE DA PAZ (UNPAZ)

Dili, 27 Janeiro 2021

ASSINA NOTA DE INTENDIMENTU ENTRE (ADRA) TIMOR-LESTE HO UNIVERSIDADE DA PAZ (UNPAZ)

Magnifiku Reitór Universidade da Paz Dr. Adolmando Soares Amaral, Lic Eco. MM. asina Memorandu Entendementu ho Diretora Exekutivu ADRA_TL, Adventist Development and Relief Agency (ADRA) Timor-Leste, Sra. Marsaulina Pasaribu, iha salaun Pos Graduasaun (27/01).

Iha asina akordu ne’e, Magnifiku Reitór Universidade da Paz Dr. Adolmando Soares Amaral, Lic Eco. MM. informa, objetivu husi kooperasaun ne’e atu halo survei ba produ ai-lia nia presu iha merkadu, ne’ebé komunidade husi parte pontaleste nia produs, tanba ne’e mak sira husu ajuda ba Universidade da Paz, atu ba halo peskiza kona-ba produtu ai-lia nia variedade iha merkadu, tanba ADRA fo ona formasaun ba vendedor lubuk ida hodi kuda ai-lia iha parte pontaleste nian, ho ida ne’e mak ohin asina nota entendementu ba projetu refere.

Nia hatutan area ba peskiza nian iha Munisipiu Dili, maibe sei la inbolve estudante barak, tanba surtu Covid-19, nune’e sei fo formasaun ba Numerador, no Superior sira mak sei ba halo survei ne’e, nia parte gradese tanba ohin bele halo kooperasaun ho organizasaun internasionál sira, hodi mai fahe sira nia matenek ba ita nia povu agrikultura sira iha parte pontaleste hodi kuda ai-lia, dehan Reitor.

Iha fatin hanesan, Diretora Exekutivu ADRA_TL, Sra. Marsaulina Pasaribu, hateten ohin asina MOU entre UNPAZ ho ADRA-TL, kona-ba peskiza produtu ai-lia iha merkadu, ho objetivu atu hatene liu tan, Marketin, nia bo’ot oinsa, no konsumidores nia preverensia kona-ba produtu ai-lia, hanesan sabor, presu, no mós kuantidade hira mak merkadu iha timor-leste ne’e presiza, atu nune’e ami bele prepara grupu atu bele produs produtu lokal husi ai-lia, bele fan iha timor, dehan Marsaulina.

Ami haree ona Universidade iha Timor-Leste, maibe UNPAZ mak iha Fakuldade Teknologia Agrikola, liu-liu ba iha prosesamentu ai-han nian, tanba ne’e mak ami mai halo aprosimasaun ho UNPAZ, ohin ita asina akordu entre ADRA.