APTA REALIZA DISKUSAUN MEZA KABUAR IHA UNPAZ

#UNPAZ# 18 AGUSTU 2021

APTA REALIZA DISKUSAUN MEZA KABUAR IHA UNPAZ

Dili-Universidade da Paz (UNPAZ), liuhusi Asosiasaun Peskiza Timor Anan (APTA) servisu hamutuk ho Pós Graduasaun UNPAZ, ho Alumi Mindanao Peracebuilding Institute (MPI) Hala’o diskusaun meza kabuar, ho tema jeral ‘’Intervensaun Hari’i Pás Aprosimasaun Edukasaun bá Pás iha Instituisaun Seguransa Iha Timor-Leste’’ iha Salaun Saúde Públika (18/08).

Diretór Asosiasaun Peskiza Timor Anan (APTA), Julio Ximenes Xavier, hateten ninia atividade mak peskiza, hodi fó sai rezultadu, liuhusi dalan diskusaun meza kabuar iha kampus-kampus sira, asuntu mak liu-liu kona-bá fenomena no komflitu ne’ebé istituisaun estadu enfrenta nomós kominidade preokupa.

"Atividade debate akadémiku ida ne’e, atu kolekta ideias oinsa deskobre ideia sira ne’e hodi tau hamutuk sai relatoriu no sai fontes peskiza bá oin nian",dehan Diretór Asosiasaun Peskiza Timor Anan (APTA), Julio.

Partesipa iha diskusaun meza kabuar ne’e husi, Diretór NGO Belun Sr. Luis Ximenes, Responsavel ba Sentru Formasaun PNTL, Superientendente Xefe Arquimino Ramos, Sra. Liliana Amaral husi NGO UN WOMEN, Prezidente ICT, Dr. José Cornelio Guteres, Diretór Asosiasaun Peskiza Timor Anan (APTA), Julio Ximenes Xavier, inklui Estudante sira.