AN-NUR HO COLEGIO VI PAULO KOMPETE IHA DRUM-BAND HODI KOMEMORA EZISTENSIA UNPAZ BA DALA XX

AN-NUR HO COLEGIO VI PAULO KOMPETE IHA DRUM-BAND HODI KOMEMORA EZISTENSIA UNPAZ BA DALA XX

Dili-Universidade da Paz (UNPAZ) liuhusi Responsavel Kompetisaun Drum-Band, Sr. Hernanio M. Carvalho Costa, Lic. SP. organiza eventu kopetisaun Drum-Band, ne’ebé partisipa husi Eskola Sekunádria rua hanesan, Ensinu Sekundária Geral AN-NUR Dili T.L no Colegio VI Paulo, objetivu husi kompetisaun ne’e, atu komemora ezistesia UNPAZ ba dala XX tinan akadémiku 2024, Depois de aprezentasaun Drum-Band husi Eskola rua ne’e, ekipa juri tetu no deide, Ensinu Sekundária Geral AN-NUR Dili T.L, sai hanesan primeru lugar no Colegio VI Paulo, sai hanesan segundu lugar, iha Kampus UNPAZ (07/03).

Magnífiku Reitór UNPAZ, Dr. Adolmando Soares Amaral, Lic. Eco.,MM. hateten lori familia bo’ot UNPAZ nia naran, hakarak konvida ita bo’ot sira ne’ebé termina eskola iha ensinu sekundária AN-NUR ho Colegiu VI Paulo, atu kontinua iha UNPAZ, tanba fatin lolos atu apriende siensia no teknologia mak UNPAZ.

“Imi labele haree ba premiu ne’ebé mak UNPAZ atu oferse ba imi, maibe haree saida mak iha UNPAZ, depois de imi ba tiha tinan oin imi mai fali, ida ne’e mak importante, tanba ne’e ha’u husu ba imi atu apriende siensia no teknologia no atu halo buat ruma iha timor no ba mundu, mai apriende iha UNPAZ, labele ba apriende iha fatin seluk”,dehan Reitór.

Depois de rona rejultadu kompetisaun Drum-Band husi eskola rua ne’e, Magnífiku Reitór, promete sei oferese bolsu estudu ba eskola rua ne’e, Ensinu Sekundária Geral AN-NUR Dili T.L na’in 10 no Colegio VI Paulo, na’in 10 iha tinan oin.

Entretantu partisipa iha eventu ne’e, Estrutura Senadu Universidade no Estrutura Senadu Fakuldade, Diretór Unidade sira, Dosente Funsionariu, Ekipa de Juri sira, Estudante husi Eskola rua An-nur ho Colegio inklui Sivitas Akadémiku Universidade da Paz.