AND DEZAMINA INFORMASAUN IHA UNPAZ

#UNPAZ# 23 SETEMBRU 2021

AND DEZAMINA INFORMASAUN IHA UNPAZ

Dili-Universidade da Paz (UNPAZ) liuhusi Autoridade Nasionál Designada (AND) fahe informasaun kona-ba kna’ar AND nian iha Timor-Leste liu-liu liga ba fundu klimatika verde (GCF) no mekanizmu dezenvolvimentu limpu (CDM), iha UNPAZ (23/09).

Diretor Exekutivu AND, Sr. Pedro G.D.S.Marçal da Costa, hateten Autoridade Nasional Designada (AND), importante tebes iha sekretariu Ambiente nia okos liga ba fundu klimatika nian, AND nia papel importante ida mak hanesan potu fokal ba nasaun timor nian, liga ba sekretariu fundu klimatika ne’e.

“Ami mai iha UNPAZ hodi fahe informasaun tanba ami haree potensia importante tebes, ba futuru bele asesu ba fundus ida ne’e”,tenik Sr. Pedro.

Pro Reitor Asuntu Koperasaun Interna no Externa, Sr. Luis Pereira Cardoso, Dip.,Cs.Lic.CSH.,MA.,Mcs, ne’ebé reprezenta Magnifiku Reitór, salienta AND ohin fahe informasaun ne’e la’o ho di’ak tebes, tanba iha informasaun balun kona-ba oportunidade ba UNPAZ ,oinsa bele kopera hamutuk ho Autoridade Nasionál Designada, atu haree programa balun ne’ebé relevante ho meu ambiente nian.

“Liuhusi fahe informasaun ne’e importante tebes, tanba durante ita seidauk hetan informasaun, sira fahe informasaun liu-liu institutu akadémiku sira primeiraves iha UNPAZ ita agradese, tanba sira hili UNPAZ sai fatin primeiru atu halo selesaun ba sira nia papel Designada nian liu-liu fahe informasaun kona-ba papel AND relasiona ho meu ambiente nian”,hatan Sr. Luis.

Partesipa iha atividade refere,Diretor Exekutivu AND, Sr. Pedro G.D.S.Marçal da Costa,ho ekipa, Proreitores, Dekanu, Xefe Unudade, Funsionariu, inklui Estudante.