ANALIZA JURIDIKU KONA-BA LEJITIMIDADE KANDIDATURA XEFE SUKU BAZEIA BA DEKRETU-LEI NU. 9/2016
Naran: Aderito Januário
NRE: 20.02.01.079
ABSTRATU
Iha Timor-Leste orgaun suku tenki hetan nomeasaun liu husi eleisaun ne’ebé livre, sekretu no demokrátiku. Tanba Xefe suku hanesan liman ain Prezidente Republika iha baze ne’ebé halo papel hanesan lejislasaun, promulgasaun no mos hanesan ezekutivu ba dezenvolvimentu iha baze liu-liu suku. Xefe suku hanesan lideransa ka autoridade lokal iha nivel suku. Durasaun mandatu Xefe suku tinan hitu (7) no Xefe suku nia mandatu bele hetan renovasaun liu dala ita bazeia ba Dekretu-Lei Suku Nu. 9/2016 artigu 20 alinea 1 no 2. Xefe suku laos responsabilidade husi Administrador Postu maibe iha lina koordenasaun deit ho Administrador Postu liga ba programa dezenvolvimentu suku. Xefe suku proibe sai hanesan lider partidu polítiku maibe bele sai hanesan membru partidu polítiku. Xefe Suku sei eleitu liuhosi votasaun universál, livre, diretu, sekretu no pesoál bazeia ba Dekretu-Lei nu. 9/2016 Lei Suku artigu 64. Alende ida ne’e mos antes to’o ba votasaun sei iha aprezentasaun kandidatura ne’ebé mak bazeia ba Dekretu-Lei nu. 9/2016, Lei Suku atigu 65.
Identifikasaun problema mak hanesan 1) Prosesu Kandidatura Xefe Suku bazeia ba Dekretu-Lei nu. 9/2016, 2) Lejitimidade Kandidatura Xefe Suku bazeia ba Dekretu-Lei nu. 9/2016, no 3) Papel Kandidatu Xefe Suku bazeia ba Dekretu-Lei nu. 9/2016. Objetivu husi peskiza ida ne’e mak atu hatene kona ba situasaun konkreta, ligadu ba elisaun Xefe Suku bazeia ba Dekretu-Lei nu. 9/2016 no atu halo analiza kona ba lejitimidade kandidatura Xefe Suku bazeia ba Dekretu-Lei nu. 9/2016. Espasu sai hanesan vijilansia ida ne’ebé sei fo influensia ba sustentabilidade ema nia moris. No ida ne’ebé inklui iha espasu problema mak hanesan ambiente fiziku hanesan kostume ka kultura ne’ebé eziste iha area ida. Maka espasu problema ne’ebé mak sei identifika mak Dekretu-Lei nu. 9/2016 no sei foti dadus ba ema ne’ebé ho idade 17 ba leten katak ema ne’ebé iha direitu atu tuir elisaun ka votasaun.
Liafuan Xave: Lejitimidade, Kandidatu Xefe Suku, Xefe Suku, Dekretu-Lei nu. 9/2016
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
