ANAAA DISTRIBUI ONA REZULTADU AKREDITASAUN PROVIZORIU HUSI FAKULDADE 2 EKONOMIA NO ENJENARIA

ANAAA DISTRIBUI ONA REZULTADU AKREDITASAUN PROVIZORIU HUSI FAKULDADE 2 EKONOMIA NO ENJEÑARIA

Dili-Universidade da Paz (UNPAZ) liuhusi Agência Nacional Para a Avaliação e Acreditação Académica (ANAA.I.P) ohin distribui ona rezultadu akreditasaun provizoriu Programa Estudu haat Fakuldade Ekonomia no Programa Estudu rua Fakuldade Enjeñaria, iha Pusat budaya Indonesia Timor-Leste (09/02).

Tuir S.E. Ministru Edukasaun Superior Siénsia no Kultura (MESSK) Dr. José Honório da Costa Pereira Jerónimo, hateten Kursu sira ne’ebé ANAAA halo importante los, tanba ita hakarak aposta ba futuru ne’ebé di’ak ita nia jovens sira, ho ida ne’e, ita tenki apoiu malu no servisu hamutuk, atu bele garante kualidade ba ensinu superior sira, nune’e bele lorin ensinu superior sira la’o di’ak liu tan ba iha futuru.

Iha fatin hanesan, Diretor Exekutivu ANAAA.I.P. Dr. Nilton Dimantino Paiva Mau, Ph.D, iha nia diskursu hateten iha tinan kotuk ANAAA halo avaliasaun akreditasaun ba kursu 30 no instituisaun ida, husi kursu ne’e ANAAA mós konvida avaliador internasional nomós nasional, hodi bele halo avaliasaun ba programatiku sira.

“Rezultadu ne’ebé ami sei fahe ba kada instituisaun, fila ba iha instituisaun mak ida-odak haree, ami labele aprezenta ba hotu-hotu atu haree, tanba ne’e rezultadu komfedensial ida-idak nian, fila ba iha instituisaun mak ida-idak haree. ANAAA sei fó 15 dias atu bele halo rekursu, se karaik ita boot sira haree rezultadu ne’e, bele halo komparasaun ho realidade ne’ebé iha, buat ruma ne’ebé presiza ko’alia, tuir lei bele halo rekursu durante 15 dias”,tenik.

Sorin seluk, Vise Reitór Asuntu Akadémiku, Dr. Joaninho Xavier Hei, Lic. CSH.,M. Ed.,PhD, hato’o Agradese ba ANAAA ne’ebé distribui ona rezultadu provizoriu husi fakuldade rua, ekonomia no enjeñaria, UNPAZ mós tinan ida ne’e kursu sira ne’ebé atu hakat tan ba re-akreditasaun maka husi fakuldade rua Direitu no Ciensia Sociais Humana.

Partisipa iha distribuisaun rezultadu akreditasaun provizoriu programatiku sira, S.E. Ministru Edukasaun Superior Siénsia no Kultura (MESSK) Dr. José Honório da Costa Pereira Jerónimo. Diretor Exekutivu ANAAA.I.P. Dr. Nilton Dimantino Paiva Mau, Ph.D. Prezidente Konsellu ANAAA.I.P. Reitór Instituisaun Privadu sira, Estrutura Universidade da Paz.