ANAAA AVALIA PROGRAMATIKA BANKARIA BA RE-AKREDITASAUN

ANAAA AVALIA PROGRAMATIKA BANKARIA BA RE-AKREDITASAUN.

Dili-Universidade da Paz (UNPAZ) nia fakuldade ekonomia departamentu bankaria hakat ba re-akreditasaun prosesu avaliasaun akreditasaun programátika no institusionál tinan akadémiku 2023 husi ANAAA nian, Iha Aula Prof. Dr. Lucas da Costa (02/08).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten painel nasionál no Internasionál ne'ebé mai iha ne'e, sira la mai julga ita, sira mai atu ajuda ita, tanba ne'e husu ba dekanu no xefe departamentu nomós dosente sira ne'ebé iha departamentu bankaria, ko'alia ba buat ne'ebé imi hakerek, hatan ba buat ne'ebé imi halo.

"Husi ida ne'e mak ita bele hetan imput ruma husi avaliador sira, husi ida ne'e mak bele ajuda ita no tulun ita, atu hadia buat ruma hodi hatan no responde ba iha área bankaria nian iha timor, tanba ne'e avaliador sira karik iha buat ruma atu rekomenda para ami hadia, ami prontu tanba ami presiza avaliador sira nia intervensaun, tanba ensinu superior iha timor ita hotu nia preokupasaun",dehan Reitór UNPAZ.

Diretor Exekutivu ANAAA, I.P, Dr. Nilton Diamantino Paiva Mai, Ph.D. hateten bala rua ami mai halo avaliasaun ba fakuldade ekonomia primeiru iha departamentu Emprendedorismu no segundu mak bankaria, sei hein tan jestaun ho kontabilidade, tanba ne'e ANAAA sei hasoru dala neen iha UNPAZ fakuldade ekonomia departamentu haat no fakuldade enjeñaria departamentu rua, tanba ne'e estrutura fakuldade pasensia no vontade nafatin.

"ANAAA la'ós polísia mai atu julga, maibé ita mai hanesan parseiru, tanba ami hanesan regulador governu nian ho estandar ne'ebé iha atu aijuda no melloria tan kualidade ensinu superior nian iha timor, tanba kualidade ne'e ita ko'alia nia sustentabilidade, la'o to'o ne'ebé ita haree hamutuk, menus ba ita aumenta, se di'ak ita melloria no apresia",tenik Diretor Exekutivu ANAAA.

Entretantu iha avaliasaun departamentu bankaria ne'e, Avaliador Internasionál, Prof. Dr. Maniam Kaliannan (Team Leader) Avaliador nasionál, Sr. Hugu Metodio dos Santos Gago. Dr. Apolinário Magno.

Partisipa iha avaliasaun programátiku ne'e, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Diretor Exekutivu ANAAA, I.P, Dr. Nilton Diamantino Paiva Mai, Ph.D. Prezidente Konsellu Administrasaun Fundasaun Neon Metin (FNM). Estrutura Universidade ne'ebé kompostu husi Vise Reitores sira, Dakanu, Vise dekanu sira, Xefe Departamentu, Pro-Reitor nomós Dosente Funsionariu inklui Alumi sira.