![AMU MANUEL PINTO FO BENSA BUS FOUN RUA IHA UNPAZ](https://unpaz.tl/asset/foto_berita/618.jpg)
AMU MANUEL PINTO FÓ BENSA BUS FOUN RUA IHA UNPAZ
Dili-Universidade da Paz (UNPAZ) nia fasilidade bus foun rua hetan ona bensaun husi Amu Selebrante Pe. Manuel Pinto, atu nune’e bele apoiu ona estudante sira ba iha kampus ramu sira inklui atividade estajiu profisional nomós estajiu sosial, iha kampus sentral UNPAZ (24/02).
Magnifiku Reitór Universidade da Paz, Dr. Adolmando Soares Amaral, Lic.Eco.,MM. hateten, tinan ida ne’e Unversidade da Paz, ita sosa tan bus haat para apoiu estudante husi kampus sentral ba iha kampus ramu Likisa, tanba ne’e mak bus rua mai ona, ohin amu fó bensa no iha seman ida ne’e, bus rua sei mai tan.
Nia hatutan, ita iha bus hamutuk 11, para bele mobiliza estudante sira husi kampus sentral ba iha kampus ramu sira inklui lori estuandte sira ba pratika iha laboratorium ba estajiu profisionais nomós estajiu sosiais.
“Tinan tinan ita menus ba transporte, ho ida ne’e ho atividade estajiu sira ita sempre aluga kareta, maibe agora Universidade da Paz, ita iha 11, truk /baskolante2, tronton 1, no eskapator 1, ho ida ne’e, ita iha fasilidade ne’ebé mak sufisiente atu bele apoiu atividade sira hotu nomós apoiu estudante sira ba iha kampus ramu sira”,dehan Reitór UNPAZ.
Reitór salienta, tuir planu tinan oin sei aumenta tan bus, tanba ne’e, iha tinan kotuk mós ita kompra mós kareta ba dekanu sira nomós vise reitor sira, inklui tinan ida ne’e kompra mós motor ba xefe departamentu sira iha tempu badak.
Partisipa iha bensaun ba bus foun rua ne'e, Vise Reitor Assuntu Kooperasaun, Dosentes, Funsionariu inklui estudante sira, iha Universidade da Paz.