AKULDADE ENJEnARIA REALIZA JUDISIUM BA FINALISTA NA\'IN 209

AKULDADE ENJEÑARIA REALIZA JUDISIUM BA FINALISTA NA'IN 209

Dili-Universidade da Paz (UNPAZ) Liuhusi Fakuldade Enjeñaria realiza Serimónia Judisium ba finalista hamutuk, atus rua sia (209) ne'ebé kompostu husi, Departamentu Arkitetura & Departamentu Enjeñaria Indústria ba dala XVII no Departamentu Enjeñaria Sivil ba dala VII, ho tema "Architects and Engineers Must Be Agents of change in Community", iha Salaun José Kasimiru (30/11).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten lori familia boot Universidade da Pa nia naran, ami hakarak agradese ba inan aman sira ne’ebé investe ona tempu no energia, ohin ita bele hamutuk iha ne’e, hodi akompaña serimónia solene judisium fakuldade enjeñaria, tanba ne’e familia boot Universidade da Paz, hato’o bemvindu ba inan aman no familia sira ne’ebé ohin bele mai hamutuk iha Universidade da Paz, tanba ne’e parabens ba judisista sira hotu nia susesu.

Nia esplika, prosesu atu lori imi mai to’o loron ida ohin ne’e, iha sakrifisiu lubuk ida mak ema balun halo ba imi, tanba ita mai ho situasaun no kondisaun ne’ebé la hanesan, balun inan aman, balun tiun tinan, balun maun no balun laen/fen nomós balu hetan apoiu bolsu estudu husi instituisaun governu no privadu, tanba ita mai ho situasaun sira ne’ebé lahanesan, iha prosesu tinan haat ita boot sira investe ona tempu atu aprende siensia no teknologia iha universidade da paz, ohin imi tuir iha ne’e, depois de gradua, Universiadde sei entrega fali imi ba iha sosiedade, atu halo buat ruma ba povu no rai ida ne’e, liuhusi siensia no teknologia ne’ebé imi aprende. Povu no nasaun ida ne’e hein hela, husi siensia no teknologia ne’ebé aprende durante prosesu ida ne’e, halo favor fila fali ba iha sosiedade nia leet, hodi komprende komprende sosiedade.

“Husu ba judidista sira ne’ebé inan aman sei moris, atu halo inan aman kontente no hamnasa di’ak liu halo kedas agora, labele inan laiha ona mak foin hanoin atu halo rate boot no lia boot, ida ne’e la importante ba inan aman, ida ne’e ita labele agradese ba sakrifisu ne’ebé inan aman ba ita nia susesu loron ohin. Tanba ne’e ha’u husu ba imi labele moe ba inan aman nia susar, maibe moe ba wi’in hira susesu tiha, sei nafatin halo susar inan aman. Tanba ne’e, ha’u husu ba ita boot sira, lalika mehi atu halo buat boot, maibe mehi ba atu halo buat kiik ida, bele benefisia ba ema barak nia interese, tanba ne’e, ita boot sira hetan pozisaun ruma iha instituisaun governu ka privadu ruma, labele konsidera pozisaun ne’e, hanesan oportunidade, maibe konsidera hanesan responsabiliddae”,dehan Reitór.

Dekanu Fakuldade Enjeñaria, Sr. José Manuel Maniquin, AP. Lic. Eng. M.,Eng. katak judisista sira ohin ofisiakmente imi uza ona titulu hanesan lisensiadu teknika, utiliza titulu ida ne’e ho responsabilidade, hanesan mós ita nia moto iha tinan ida ne’e katak, ita mai ho Ano Responsabilidade iha Universidade da Paz 2023, husu ba imi kaer metin ba ida ne’e, sai alumi ida ne’ebé responsabilidade. Tanba ne’e ita nia tema, dehan Arkitetu sira no enjeneru sira, tenki sai mudansa ba iha sosiedade, tanba ne’e la’os sai sentru ba komflitu iha sosiedade, ita la koi ida ne’e atu akontese, hanesan dekanu no hanesan imi nia maun, husu ba imi fila ba ita boot sira-nia knua respeita nafatin inan aman sira, ne’ebé tinan 4/5 halo sakrifisiu ba ita boot sira, ohin loron imi bele susesu, nomós respeitu ema seluk hanesan ita nia an rasik.

Reprezenta Inan aman Judisista, Sra. Virgina Ana Belo, agradese ba reitór ho dekanu sira, dosente nomós funsionariu sira hotu, ne’ebé durante tinan hira nia laran, bele apoiu no suporta ami nia oan sira, ohin sira balu hotu ona no balu sei kontinua, tanba ne’e ha’u kaer ba lian ne’ebé reprezenta judisista hateten katak, la hotu iha ne’e, mehi ne’e sei naruk, la’os ho estuda de’it maka ita atinji ita nia mehi, oportunidade iha, maibe ita mós tenki presta ita nia kualidade hanesan estudante, hanesan ema, hodi dezenvolve rai ida ne’e, ha’u fiar oan sira bele. Tanba ne’e ha’u dezafia oan sira katak, ita boot sira bele no ha’u fiar katak, inan aman sira hotu sei fó fiar ba ita boot sira katak, ita boot sira sei prepara an didi’ak duni hodi kompete.

Reprzenta judisista, Antonio P. da Costa, salienta loron ida ohin, hanesan loron ne’ebé ita kontente hamutuk, loron ohin ita termina ona ita nia estudu iha nivel lisensiadu, atu to’o ba ida ne’e presiza tempu naruk no luta estra ordinariu, atu lori ita to’o ba momentu ida ne’e, ita agradese ba maromak, tanba bele fó ona grasa tomak ba ita ida-idak, atu bele hetan futuru di’ak, hodi kontribui ba sosiedade no nasaun. Ami agradese ba inan aman no familia hotu ne’ebé suporta no motiva ami, ohin loron ami bele termina ami nia estudu iha fatin ida ne’e, agradese mós ba dosente sira hotu, liu-liu dosente sira husi fakuldade enjeñaria, ne’ebé durante ne’e orienta ona ami, sira mak ami nia inan no sira mak ami nia aman, durante estudu iha Universidfade Paz.

Entretantu serimónia judisium Fakuldade Enjeñaria ne’e, partisipa husi, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Reprezenta husi Prezidente FNM, Vise Prezidente, Arq. Hugu Carbalho ho Komitiva tomak, Estrutura Universidade ne’ebé kompostu husi Dekanu Fakuldade Neen, ho estrutura tomak fakuldade nian, Vise-Reitores sira, Pro-Reitor sira, Diretór/a Unidade sira, Dosente Funsionariu, Inan aman ho familia sira hotu nomós konvidadus tomak inklui sivitas Akadémiku Universidade da Paz.