ADRH ORGANIZA FUNSIONARIU SIRA APOIU BA LOGISTIK HODI HALO LIMPEZA GERAL IHA KAMPUS SENTRAL

ADRH ORGANIZA FUNSIONARIU SIRA APOIU BA LOGISTIK HODI HALO LIMPEZA GERAL IHA KAMPUS SENTRAL

Dili-Universidade da Paz (UNPAZ), liuhusi Pro-Reitor ADRH organiza funsionariu sira hotu fo apoiu ba logistik limpeza geral hodi halo preparasaun ba Judisium no Graduasaun, iha kampus Sentral (4/12/24).

Pro-Reitor ADRH, Sr. Carmo António Pinto Baptista, S. Sos., M.Si, relata aktividade ohin loron ne’e la’os buat foun maibé ida ne’e tina-tinan universidade sempre hala’o, tanba iha fulan dezenbru nia laran ne’e ita sei halo preparasaun ba judisium no graduasaun ba fakuldade neen iha universidade da paz, tanba ne’e mak universidade sempre fo apoiu ba iha logistik hodi halo preparasaun. No preparasaun ida ne’e magnifíku Reitór fo orientasaun horseik dia 3 ba iha rekurusu humanu, nune’e hasai karta sirkular ida hodi envolve funsionariu sira iha universidade da paz hodi halo limpeza geral.

Nia hatutan tan aktividade ida ne’e tinan-tinan la’o hanesan ne’e maibe iha diresaun balu mak ita la bele involve, tanba iha fakuldade sira sei halo atendimentu ba estudante finalista sira no estudante ativu sira, nomós parte finansas nian nomós BAAK, tanba sira halo atendimentu ba estudante finalista sira no perpustakan ne’ebé toma konta ba administrasaun estudante sira ne’ebé livre ona no sira seluk ita envolve hotu atu ita servisu hamutuk no aban ita sei kontinua limpeza jeral hodi halo preparasaun ba serimónia judisium ba fakuldade neen no graduasaun nune’e bele di’ak ba ita hotu.