ADRH KONTINUA ORGANIZA FUNSIONARIU SIRA HODI APOIU LOGISTIK HALO LIMPEZA GERAL IHA KAMPUS SENTRAL
Dili-Universidade da Paz (UNPAZ), liuhusi Pro-Reitor ADRH, kontinua organiza funsionariu sira hotu fo apoiu ba logistik limpeza geral hodi halo preparasaun ba Judisium no Graduasaun, iha kampus Sentral ba loron daruak, (05/12/24).
Aktividade limpeza geral iha kanpuz sentral ohin kontinua limpeza, hodi halo preparasaun ba Judisium no Graduasaun ba fakuldade ne'en iha Universidade da Paz ne'ebé mak sei akontese iha fulan ida ne'e nia laran.
Tuir média nia observasaun iha terrenu funsionariu sira kontinua apoiu maximu hahu husi horseik to'o ohin loron aktividade limpeza geral ne'e la'o diak tebes, nune'e bele garantia ambiente ne'ebe mak mós no saudável hodi prepara ba iha Judisium no Graduasaun nian iha Kanpuz sentral Unpaz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
