ADA-UNPAZ ENSERA ONA ATIVIDADE JOGU FUTSAL

ADA-UNPAZ ENSERA ONA ATIVIDADE JOGU FUTSAL

Dili-Universudade da Paz (UNPAZ) Liuhusi Asosiasaun Desportu Akadémiku UNPAZ, hala'o enseramentu atividade jogu Futsal, ne'ebé hala'o, hodi Selebrasaun Loron Proklamassun da Independensia Timor-Leste no Invazaun Militár Indonesia Mai Timor-Leste, iha Salaun José Kasimiru (11/12).

Vise Reitór Asuntu Akadémiku, Dr. Joaninho Xavier Hei, Lic. CSH., M.Ed. PhD. Ne'ebé reprezenta Magnífiku Reitór, agradese ba estudante sira-nia partisipasaun iha desporu, ne'ebé hala'o durante fulan ida iha UNPAZ, ne'ebé reprezenta kada fakuldade, hodi hatudu ita boot sira-nia maturidade ne'ebé mak di'ak tebes iha desportu nian. Jogu Futsal ne'ebé imi hala'o, hatudu ona jogu di'ak tebes, espera imi hotu bele koñese kada fakuldade, jogu ida ne'e mós halo imi bele prepara an di'ak liu tan no mellora tan ita boot sira-nia koñesementu ba preparasaun jogu nian ba iha futuru.

Reprezenta Prezidente FNM. Vise Prezidente Arq. Hugu Carbalho, hateten UNPAZ bele realiza desportu iha tinan ida ne'e, tanba esforsu tomak husi Prezidente Asosiasaun Akadémiku UNPAZ, ami fiar katak ba oin, fundasaun mak sei toma responsabilidade ba Fasilidade infrastrutura nian, tanba ha'u fiar katak, iha tempu sira tuir mai ita bele prepara kondisoens ne'ebé mak di'ak, bele priense rekizitu ba iha desportu nian, iha Universidade da paz.

"Tinan oin ita sei konvida mós joventude sira iha ne'e, atu mai hamutuk, atu kria desportu ne'ebé mak di'ak, hodi bele haluha tiha komflitu sira, ita hamutuk dezenvolve desportu ne'e ba oin, nune'e mós bele kria amizade ne'ebé mak di'ak, atu bele moris iha familia ida iha dame nia laran",dehan Vise Prezidente FNM.

Prezidente Asosiasaun Desportu Akadémiku UNPAZ, Sr. Julio da Silva Salsinha, Lic. CSH,.M.AP. hato'o parabens ba manan na'in sira hotu, manán ita hotu mak manán, lakon mós ita hotu mak lakon, tanba ne'e husu ba jogadores sira, atu prepara an didi'ak, atu partisipa tan jogu sira tuir mai, iha dies natalis UNPAZ nian.

Entretantu manan na'in ba iha jogu Futsal ida ne'e, mak hanesan: Primeiru lugar husi, Mane FC. Satelite. Segundu Lugar, FC. King Garida. Terseiru Lugar, FC. L.M.K. Kuartu Lugar, FC. Liurai. Feto 1. FC. Ladies.

Partisipa iha atividade enseramentu jogu futsal ne'e, Vise Reitór Asuntu Akadémiku, Dr. Joaninho Xavier Hei, Lic. CSH., M.Ed. PhD. Reprezenta Prezidente FNM. Vise Prezidente Arq. Hugu Carbalho. Prezidente Asosiasaun Desportu Akadémiku UNPAZ, Sr. Julio da Silva Salsinha, Lic. CSH,.M.AP. Dekanu Fakuldade Enjeñaria, Sr. José Manuel Maniquin, AP. Lic. Eng. M.,Eng. Inklui manán na'in sira hotu.