ADA-UNPAZ ABERTURA JOGU FUTSAL

ADA-UNPAZ ABERTURA JOGU FUTSAL

Dili-Universidade da Paz (UNPAZ) Liuhusi Asosiasaun Desportu Akademia (ADA-UNPAZ) realiza Serimónia Abertura Jogu Futsal, hodi Komemora Loron Proclamação Unilateral da Independensia de Timor-Leste no Invazaun Militár Indonesia mai Timor-Leste, iha Kampu Futsal UNPAZ (21/11).

Prezidente Konsellu Administrasaun Fundasaun Neon Metin, Eng. José S. Menezes M.FoodTech. hateten ba jogadores sira, joga tenki tuir regras ne'ebé mak iha, tanba ne'e liga ho tema ne'ebé mak iha, imi hanesan jerasaun foun importante los ba imi, atu relebra fila fali sakrifisiu ne'ebé inan aman no avo sira halo iha tempu pasadu.

"Atividade dedportu ida ne'e, importante ba imi mak, tenki joga ho kontente no tuir regras sira ne'ebé mak iha, labele joga hatudu nervoju ba malu, tanba ne'e hatudu imi nia talentu sira ne'ebé mak imi iha, liu-liu iha área dedportu Futsal nian, ho ida ne'e susesu ba imi hotu",dehan Prezidente FNM.

Iha fatin hanesan, Prezidente ADA-UNPAZ, Sr. Julio da Silva Salsinha, Lic. CSH.,M.AP. hatutan eventu ida ne'e, atu halo ita koñese malu di'ak, tanba ita fó hotu Komvite ba alin estudante sekundaria sira, maibé barak mak la marka prezénsa, iha ida mak prezénsa iha ne'e, mak hanesan eskola sekundaria turismu bekora, tanba ne'e agradese ba imi nia prezénsa iha eventu ida ne'e. Husu ba imi hotu joga ho kalma no labele kasar, tanba jogu ida ne'e mós atu haree didi'ak ita boot sira-nia talentu iha futsal.

Entretantu jogu dahuluk iha abertura mak hanesan, FC, Agrikola VC FC Turismu Becora. Partisipa iha abertura ba jogu Futsal ida ne'e, mak Prezidente Konsellu Administrasaun Fundasaun Neon Metin, Eng. José S. Menezes M.FoodTech. Prezidente ADA-UNPAZ, Sr. Julio da Silva Salsinha, Lic. CSH.,M.AP. ho ekipa sira hotu, jogadors sira inklui Sivitas Akadémiku Universidade da Paz.