![ABERTURA MEMBRU FOUN JHN ESHANA UNPAZ](https://unpaz.tl/asset/foto_berita/203.jpg)
ABERTURA MEMBRU FOUN JHN ESHANA UNPAZ
Dili-Universidade da Paz (UNPAZ) nia estudante Joventude Hadomi Natureza (JHN) Esana UNPAZ realiza abertura ba membru foun sanulu resin tolu (13), ne’ebé sei tuir treinamentu durante semana ida, ho tema “Ho Natureza Ita Konserva Rekursus Naturais Iha Timor-Leste, iha Kampus UNPAZ (15/05/23).
Konselleru JHN Esana UNPAZ, Sr. Quintiliano Fernandes Barros, Lic. SP.M. SP. hato’o agradese no bemvindu ba membru foun esana UNPAZ Joventude hadomi Natureza UNPAZ (JHN), tanba ne’e parabens ba ita bo’ot sira hotu, nafatin iha vontade atu bele organiza ita nia joventude hadomi natureza esana UNPAZ nian la’o ho di’ak.
“Agradese ba membru foun (13) ne’ebé hola parte ona iha membru eshana UNPAZ Joventude Hadomi Natureza, tanba ne’e nafatin ita hotu organiza malu, atu bele partisipa iha atividade estra sira, tanba koñesimentu la mai rasik, maibe ita tenki buka hodi hatene, oinsa involve an iha organizasaun sira, atu bele kapasita mentaliade sai líderasna ne’ebé di’ak ba futuru”, Dehan Koselleru JHN.
Nia argumenta, atu sai lideransa la fasil no atu organiza ema lafasil no atu lidera ema la fasil, tanba ne’e tenki iha esperiensia, se ita la iha esperiensia susar ita atu organiza no lidera ema, ho ida ne’e parabens ba ita bo’ot sira, ne’ebé mai tán iha esana UNPAZ hamutuk ho sira antgu, espera tinan oin iha tán membru foun para sai barak liu tán.
Iha fatin hanesan, Prezidente JHN Esana UNPAZ, Agustinho de Jesus Madeira, hatutan Eshana UNPAZ hetan rekoñesimentu iha dia 23 de Maiu 2022, tanba ne’e esana UNPAZ halo ona tinan ida, membru total ba etapa primeiru nian (22), tanba ne’e ohin ita hahú fali treinamentu ba etapa segundu nian hamutuk (13) ne’ebé sei tuir treinamentu durante semana ida.
“Membru sira hotu, atu sai estudante JHN, nia objetivu ne’e ida de’it, tanba estudante hadomi natureza ne’e, sei hasoru dezafiu oi-oin, mak bele sai JHN ne’ebé loloos,”, dehan Prezidente JHN.