ABERTURA BA TREINAMENTU SISTEMA INFORMASAUN AKADEMIKU IHA UNPAZ

#UNPAZ# 17 JUÑU 2021

ABERTURA BA TREINAMENTU SISTEMA INFORMASAUN AKÁDEMIKU IHA UNPAZ

Dili-Universidade da Paz (UNPAZ), liuhusi ekipa dezenvolve SAO hala’o abertura ba treinamentu kona-ba ‘’Sistema Informasaun Akádemiku’’(SIA) ba Funsionariu UA-AAE, Finansas no Administrasaun Fakuldade, iha Salaun Pós-Graduasaun (17/06).

Iha abertura ne’e, Pro-Reitór Asuntu Administrasaun Jerál I Finansas, Sr. Caetano Carceres, Lic, Eco.,M. Ak. Hateten treinamentu ida ohin atu kapasita ita nia funsionariu sira liu-liu iha diresaun BAAK, Finansas, no Administrasaun Fakuldade sira, tanba durante ne’e ita haree katak ita nia numeru serteza husi estudante sira sempre tun no sae, ita seidauk iha liña ne’ebé mak atu fasilita bele hetan serteza numeru estudante ne’e kada tinan, husi ida ne’e mak ami halo planu programa ida ne’e, atu bele halo treinamentu loron tolu hodi kapasita ita nia funsionariu sira atu bele koinese di’ak liu (Sistema Informasaun Akádemiku) ne’e hodi utiliza iha sira nia servisu.

“Iha treinamentu ne’e rasik, Ekipa Dezenvolve SAO mós prepara sertifikadu ba Funsionariu sira ne’ebé mak tuir treinamentu, maibe sertifikadi ne’e sei la fó neste momentu remata treinamentu, presija Fulan tolu, atu bele fó oportunidade ba Funsionariu sira bele inplementa ona husi treinamentu ne’e liga ho sistema ne’ebé sira hetan, husi ida ne’e mak foin bele hetan sertifikadu”dehan Pro- Reitór Sr. Caetano.

Atividade refere partesipa husi, Pro-Reitór, Dekanu, Dosenete, nomós Funsionariu husi diresaun BAAK, Finansas, no Administrasaun Fakuldade, iha Universidade da Paz.