ABAN UNE-TL UNPAZ SEI PARTISIPA IHA SELEBRASAUN LORON FLORESTA
Dili-Universidade da Paz (UNPAZ) liuhusi União Nsional Dos Escuteirus de Timor-Leste (UNE-TL) UNPAZ ne’ebé lídera husi Dekanu Fakuldade Direitu, Dr. Leonito Ribeiro, SH.,MH. hodi partisipa iha selebrasaun loron Floresta nian aban iha Jardin dos Herois Metinaru, iha Kampus Sentral UNPAZ (12/01).
Magnifiku Reitór, Universidade da Paz, Dr. Adolmando Soares Amaral, Lic.Eco.,MM. husu atu nafatin koidau no tane as imagen Universidade nian, tanba ita ba reprezenta instituisaun, tanba ne’e hatudu imi nia kualidade.
Iha fatin hanesan, Dekanu Fakuldade Direitu, Dr. Leonito Ribeiro, SH.,MH. nu’udar Xefe Escuteirus UNPAZ, hatutan, partisipa iha selebrasaun loron floresta iha metinaru, tanba ita hetan konvite husi Prezidente da Republika, tanba UNPAZ mós hola parte ida husi União Escuteirus de Timor-Leste, tanba ne’e mak agrupamentu UNPAZ mós partisipa iha selebrasaun loron floresta iha jardin dos herois metinaru.
Iha selebrasaun ne’e, sei kuda mós ai oan hodi hamatak ita nia rai doben timor-leste, nune’e bele sai furak liu, ho ida ne’e mak agrupamentu UNPAZ mós partisipa iha selebrasaun loron floresta nian ne’e.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
