ANALIZA SISTEMA JESTAUN DADUS BA HASAE KUALIDADE ATENDEMENTU SAUDE IHA CENTRO SAUDE COMUNITARIA LOSP

ANALIZA SISTEMA JESTAUN DADUS BA HASAE KUALIDADE ATENDEMENTU SAÚDE IHA CENTRO SAÚDE COMUNITÁRIA LOSPALOS,

POSTO ADMINISTRATIVO LOSPALOS MUNICÍPIO LAUTÉM, IHA TINAN 2021

Daniela Rolandia Maria Umbelina Fernandes.,Lic.SP Leonardo Ximenes, Lic.SP, M.SP (Cand),Martinus Nahak Linu.,Amkl.,Lic.Sp.,M.Ap.,Msp.

Faculdade Saúde Pública ,Universidade da Paz, Timor-Leste

Rua.Usindo I, Manleuana, Dili- Timor-Leste

Tlf: +67075418195

Email: daniela.rolandia2904@gmail.com/leonardoximenes24@yahoo.com/martinosnahak001@gmail.com

Abstratu

Kualidade atendementu hanesan indikadór kualidade atendementu saúde, hasae kualidade atendementu ne’e sai hanesan isu ida iha jestaun no iha setór Governu no setór privadu. Asuntu ne’e akontese iha parte ida husi prosesu komunidade ba iha hadia kualidade atendementu husi tinan ba tinan sai aumenta bo’ot ba bebeik, enkuantu iha parte seluk administrasaun atendementu hetan hadia ne’ebé signifikânsia. Objetivu husi peskiza ida ne’e maka atu hatene kona-ba sistema jestaun dadus ba iha kualidade atendementu saúde iha Centro Saúde Comunitária Lospalos,Posto Administrativo Lospalos, Município Lautém, Tinan 2021.

Sistema hanesan kolesaun husi komponente ka elementu ne’ebé integra no hodi alkansa objetivu balun (Jogianto, 2005)  Jestaun katak prosesu  planeamentu, organizasaun, koordinasaun, no kontrolu ba rekursu hodi atinje objetivu ho efetivu no efisiênsia. Efetivu katak atinje objetivu  tuir planu, no efisiênsia katak jestaun ne’e halo ho akuradu (accurate), organizadu no tuir tempu ne’ebé determinadu (Ricky W Griffin, 2015). Dadus hanesan fatus hotu-hotu no númeru ne’ebé bele halo sai hanesan materiál atu forma informasaun ida, enkuantu informasaun maka rezultadu husi prosesamentu dadus ne’ebé utiliza ba nesesidade ida (Arikunto, 2002). Kualidade atendementu saúde katak hatudu ba nível perfeisaun aparênsia atendimentu saúde ne’ebé mantidu ne’ebé iha parte ida bele fó satisfasaun ba

utilizasaun servisu atendementu no parte seluk prosedimentu implementasaun tuir ho kódigu étika profisaun no pardaun ne’ebé hatuur ona (Azwar, 2010).

Peskiza ida ne’e utiliza métodu analiza kuantitativu ho aproximasaun crossectional, no amostrajen saturada no amostra maka 43 husi pessoal saúde iha Centro Saúde Comunitária Lospalos no téknika analiza dadus maka téknika analiza univariada no bivariada (Analisis Chi-Square). Peskiza ida ne’e iha  variável rua maka Variavel dependente (variavel X) maka “sistema Jestaun dadus” no variável independente variavel (Y) maka Kualidade atendementu saúde”.

Bazeia ba rezultadu analiza ho IBM SPSS Versaun 22 hatudu katak, husi variavel X Sistema Jestaun dadus ba Kualidade atendimentu saúde iha Centro Saude Communitária Lospalos hanesan tuir mai ne`e: Jestaun la diak hamosu Kualidade atendimentu la diak ho total frekuensia 2, ho numeru persentagen 100%, Jestaun dadus la diak hamosu kualidade attendimentu diak ho total frekuensia  0, no persentagen 0%. Alemde ida ne`e bazeia ba opsaun  Jestaun di’ak hamosu Kualidade atendimentu la di’ak ho total frekuensia 1, ho numeru persentagen 2.4%, Jestaun di’ak hamosu Kualidade atendimentu diak ho total frekuensia 40, ho numeru persentagen 97.6%. ho nune’e konklui katak Jestaun dadus di’ak maka sei hamosu mos kualidade atendimentu ne’ebe di’ak. Bazeia ba rezultadu Teste Hipoteze ho nivel signifikansia 0.05 hatudu katak valor P. Value iha 0.03 rezultadu refere hatudu iha signifikansia entre variavel X Sistema Jestaun dadus ba Kualidade atendimentu Y iha Centro Saúde omunitaria Lospalos tinan 2021.

Bazeia ba dadus ne’ebé peskizadora hetan iha Centro Saúde Comunitária Lospalos maka peskizadora hakarak rekomenda ba Xefe Centro Saúde katak tenke tau atensaun máximu ba prosesu implementasaun knaar tuir prosedimentu no regulamentu ne’ebé iha, Xefe Centro Saúde Comunitária presija koopera hamutuk ho Ministeriu Relevante hodi nune’e bele evalua ba problema hanesan menus rekursu umanu, menus fasilidade saúde hodi nune’e bele rezolve problema hirak ne’e atu nune’e  Centro Saúde Comunitária refere bele iha kualidade liu husi atendementu no iha rekursu umanu ne’ebé kualidade hodi nune’e bele lori Saúde Públika ba iha kondisaun ida ne’ebé harmonia no saudável.

Liafuan Xave: Sistema jestaun dadus, kualidade atendementu saúde

Atu Hetan Detalho Ida Ba Jurnal Bele Klik Iha Ne'e:

Download